22.9. - 22.10.2010
Noch de erschte paar Tag en Cairns hei mer uese Wicked-Van, metem Pink Panther drof, abgholt. Mer send de zersch en Rechtig Norde, nach Port Douglas, gfahre, damet mer doert met em Boot hei choenne s farbepraechtige Great Barrier Reef erkonde.
Am drette Tag onterwaegs metem Campervan hed oeis oeise 'Pinky' scho s'erschte Mol em Stech gloh. Gloeck em Ongloeck: trotz emne platte Reife zmets ufem Highway bi voller Gschwendigkeit esch oeis osser emne komplett demolierte Reife ond eme grosse Schreck nuet passiert ..ond e Schotzaengu wo oeis zmets em Nirgendwo de Reife gwaechslet hed, esch e Minute spoeter au grad zor Stell gsii.
D'Angscht esch de die noechschte paar Tag no chli metgfahre, aber bim Ableck vom Mission Beach (wo halt s Fiji-feeling glich ned ganz loht lo ufcho) ond em Bsuech en Townsville, hei mer de dae Schreck chli choenne vergaesse.
Bi uesem noechschte Stop en Airlie Beach hei mer de Strand, de Usgang (noeie Bierrekord!!) ond s schoene Waetter gnosse, bevor de Sailingtrip zu de Whitsundays ufem Programm gstande esch. Dae esch leider chli ed Hose. Anstell vom Bsuech vom traumhafte Whiteheaven Beach semmer, dank em wonderbar stoermische Waetter, drue Tag seechrank ufem Boot feschtgsaesse (ond das ohni Duschi & fluessend Wasser).
Anyway...en Erfahrig esches waert gsii.
Nach dene turbulaente Taeg hei mer ues en McKay emene Beachhouse super erholt (..ond stondelang duschet).
Bim Zwoeschestop en Gladstone bliibt oeis d Begaegnig met de Nicole & em Tek ond em gmeinsame Bsuech binere aechte Aboriginie-home-party beschtens en Erennerig ;-)
In Agnes Water / Town 1770 hend mer naebem Bsuech vom Strand au em Bikinishop stondelang choenne verwiile.
En Noosa (s'Monaco vo Australie) hei mer zwoei Tag ufeme schoene Campingplatz diraekt am Strand verbrocht ond e Spaziergang dore Nationalpark gmacht.
Leider hed de s Waetter omgschlage wo mer uf Brisbane cho send. Rekordraegefaell - das send d Hauptschlagziile vo de Zitige gsii. Ond dementspraechend nass hei mer Brisbane erlaebt...somet esch halt shoppe ond kaefele ufem Programm gstande.
Au Surfers Paradise hei mer nor bi Raege, Wend & riesige Waelle gseh.
Zom Gloeck esches denn weder chli waermer worde, wo mer in Byron Bay acho send.
Byron Bay esch es haerzigs Staedtli wo iladt zom Ziit verbrenge. S gmeschte Volk ond die gmuetlechi Atmosphaere haend oeis uf aheb gfalle & em Usgang hei mer sogar uf de Tesche tanzet. Die gueti Stemmig esch de dor oeise Pinky-Van chli truebt worde. Scho d Woche vorhaer hed er gmacht, was er hed welle ond en Byron Bay esch de gar nuet me gange.
Nachem Zwoeschestop ede Waerchstatt hei mer de die letschte knapp 800km Waeg nach Sydney en Agreff gno.
In Taree hei mer die letscht Nacht, bevor mer de Van weder abgae hei, gnoetzt zom weder mol waesche ond stondelang oeises aghuefte Chaos z sortiere. Das esch oeis (dankeme Koffer meh) glonge ond somet semmer parat gsii foer Sydney.
Die letschte gmeinsame Tag hei mer em Wake-up Hostel zmets ede Stadt zaeme verbrocht. Die superschoeni Stadt ond d Sonne wo mer aendli weder mol gfonde hei, haend mer e volle Zoeg gnosse. Au d Sehenswoerdigkeite vo Sydney hei mer oeis ned lo entgo. Mer hei s Operehuus, d Harbour Bridge, de Sydney Tower, Darling Harbour ond veles meh bsuecht. Au em Wildlife World semmer gsii, damet mer naeb all denen tote Tier am Strosserand au no es paar laebigi Exemplar gsaehnd.
Dankbar, zfrede ond wohluf goht jetz oeisi gmeinsami Ziit am Aendi entgaege.
E schwaere Rocksack voller schoener & onvergaesslecher Erennerige ond Erlaebnis naeme mer uf oeise wiiter Laebeswaeg met...
Donnerstag, 21. Oktober 2010
Sonntag, 19. September 2010
FIJI
8. - 22.9.2010
Bula (=Aloha)
Die vele schoene Idroeck vo Fiji cha me eigentlech gar ned en Wort fasse.
Bounty, Beachcomber, Mantaray, Octopus, Korovou, Blue Lagoon & Oarsmans Bay send die Resorts wo mer bsuecht haend.
All die traumhafte Straend metem klare Wasser ede verschedenschte Blautoen gsaehnd au en Woerklechkeit so us wie me si vo de Belder haer kennt ...wenn ned no schoener.
Oesi Bungalows send meischtens diraekt am Strand aa gsii ond so send mer ame met Meerrusche em Ohr igschlofe.
Naebem Relaxe & Gniesse hei mer vell Ziit met Schnorchle verbrocht. Mer hei am Nemo sini Froende troffe ond die farbigi Onterwasserwaelt entdeckt.
A propo: Trotz dere Rueh ond de laere Straend esch es oeis do nonie langwilig gsii ;-)
A propo 2: Abgseh vomene laedierte Aug, es paar Koralle-Chratzer ond de vele Moskitostech gohts oeis tiptop ond mer gniesse s Paradies.
Bula (=Aloha)
Die vele schoene Idroeck vo Fiji cha me eigentlech gar ned en Wort fasse.
Bounty, Beachcomber, Mantaray, Octopus, Korovou, Blue Lagoon & Oarsmans Bay send die Resorts wo mer bsuecht haend.
All die traumhafte Straend metem klare Wasser ede verschedenschte Blautoen gsaehnd au en Woerklechkeit so us wie me si vo de Belder haer kennt ...wenn ned no schoener.
Oesi Bungalows send meischtens diraekt am Strand aa gsii ond so send mer ame met Meerrusche em Ohr igschlofe.
Naebem Relaxe & Gniesse hei mer vell Ziit met Schnorchle verbrocht. Mer hei am Nemo sini Froende troffe ond die farbigi Onterwasserwaelt entdeckt.
A propo: Trotz dere Rueh ond de laere Straend esch es oeis do nonie langwilig gsii ;-)
A propo 2: Abgseh vomene laedierte Aug, es paar Koralle-Chratzer ond de vele Moskitostech gohts oeis tiptop ond mer gniesse s Paradies.
OAHU, Part 2
25.8. - 7.9.2010
Yeah! Mer send zrog en Oahu am Waikiki Beach!
De easy Lifestyle vom Polynesian Hostel hed oeis weder igholt ond mer se do hange blebe.. wie so vell anderi Luet au.
Die 2 Woche hei mer en volle Zoeg gnosse. Naebem Relaxe am Strand, send mer go Kajake, hei bi bruetender Hetz de Diamond Head bestege ond hei au soesch vell vo dere Ensle gseh.
A propo: S absolute Highlight si oeisi erschte Surfversuech am Waikiki Beach gsii. Onbeschriblech...
A propo 2: Mer send beidi bem 1. Versuech ufem Surfbraett gstande. Danke Mason ;-)
Yeah! Mer send zrog en Oahu am Waikiki Beach!
De easy Lifestyle vom Polynesian Hostel hed oeis weder igholt ond mer se do hange blebe.. wie so vell anderi Luet au.
Die 2 Woche hei mer en volle Zoeg gnosse. Naebem Relaxe am Strand, send mer go Kajake, hei bi bruetender Hetz de Diamond Head bestege ond hei au soesch vell vo dere Ensle gseh.
A propo: S absolute Highlight si oeisi erschte Surfversuech am Waikiki Beach gsii. Onbeschriblech...
A propo 2: Mer send beidi bem 1. Versuech ufem Surfbraett gstande. Danke Mason ;-)
MAUI
19. - 23.8.2010
Uese verchoerzti Trip uf Maui hei mer meteme verpasste Flog gstartet. Dank de hawaiianische Flogverbendige send mer denn met nor 1 Stond Verspoetig en Maui acho. Doert haend mer es Auto gmietet ond hei d Sehenswoerdigkeite vo dere Ensle erkondet. Obwohl der Highway maengisch eher anere Baergstross gleche hed, send mer emmer (meh oder weniger schnaell) a oeisne Ziel acho. S Schoenschte esch de 'Way to Hana' met all sine tropische Waelder,Wasserfaell ond Straend gsii.
Uese verchoerzti Trip uf Maui hei mer meteme verpasste Flog gstartet. Dank de hawaiianische Flogverbendige send mer denn met nor 1 Stond Verspoetig en Maui acho. Doert haend mer es Auto gmietet ond hei d Sehenswoerdigkeite vo dere Ensle erkondet. Obwohl der Highway maengisch eher anere Baergstross gleche hed, send mer emmer (meh oder weniger schnaell) a oeisne Ziel acho. S Schoenschte esch de 'Way to Hana' met all sine tropische Waelder,Wasserfaell ond Straend gsii.
Donnerstag, 19. August 2010
KAUAI
15. - 19.8.2010
Die groeschti Heruseforderig bes jetz hed ues uf dere Ensle erwartet.
Bi stockdonkler Nacht si mer en Lihue acho ond hei ues vom schwatzhafte Taxifahrer ned es reservierte Hotel, sondern enes Hostel lo fahre.
(Begroendig Taxifahrer: Hotel = Lage in Ghetto & unsicher, Hostel = Strandlage, preiswert, in Shoppingzone)
Met Vorfreud acho, esch de oeisi Stemmig bim Ableck vo de 'Schlofhalle' schnaell de Bach ab. Flochtartig hei mer die wandlosi Halle weder verloh. Es esch meh es Asylanteheim als es Hostel gsii. Mer als Wiissi si vo de iheimische 'Hallebewohner' vo obe bes onde gmoschteret worde ond waere wahrschinlech es gfondnigs Fraesse gsii.
Zom Gloeck hei mer uf oeisere Flocht d Ingrid (en Duetschi) troffe. Woeu se d Omstaend e daem Hostel scho saelber erlaebt hed, hed se oeis sofort e ehres Auto packt ond oeis zu oeisem eigentlech reservierte Hotel gfahre. So esch doch no alles guet cho.
...a propo: Jo, mer woesses saelber!! Mer si scho chli naiv gsii... Aber dae Faehler passiert oeis gwoess ned no einisch.. ond jo: der doerfet lache ;-)
Au Kauai esch soesch eher en ruhigi Ensle. Zom echli d Ensle choenne z erkonde, hei mer es Auto gmietet. So hei mer au doert vell schoeni Idroeck gwonne: Vo tropische Waelder, oeber Wasserfaell, Straend ond en Canyon.
S Highlight esch de d Katamaran-Tour a de Napali Coast entlang gsii. Mer hei sogar Delfine gseh ond si em Meer go schnorchle. Fazit noch 1 Stond: 1 farbige ond es paar graui Fesche.
Woeu oeis s Schnorchle aber sehr guet gfalle hed, esch das secher ned s letschte Mol gsii.
Die groeschti Heruseforderig bes jetz hed ues uf dere Ensle erwartet.
Bi stockdonkler Nacht si mer en Lihue acho ond hei ues vom schwatzhafte Taxifahrer ned es reservierte Hotel, sondern enes Hostel lo fahre.
(Begroendig Taxifahrer: Hotel = Lage in Ghetto & unsicher, Hostel = Strandlage, preiswert, in Shoppingzone)
Met Vorfreud acho, esch de oeisi Stemmig bim Ableck vo de 'Schlofhalle' schnaell de Bach ab. Flochtartig hei mer die wandlosi Halle weder verloh. Es esch meh es Asylanteheim als es Hostel gsii. Mer als Wiissi si vo de iheimische 'Hallebewohner' vo obe bes onde gmoschteret worde ond waere wahrschinlech es gfondnigs Fraesse gsii.
Zom Gloeck hei mer uf oeisere Flocht d Ingrid (en Duetschi) troffe. Woeu se d Omstaend e daem Hostel scho saelber erlaebt hed, hed se oeis sofort e ehres Auto packt ond oeis zu oeisem eigentlech reservierte Hotel gfahre. So esch doch no alles guet cho.
...a propo: Jo, mer woesses saelber!! Mer si scho chli naiv gsii... Aber dae Faehler passiert oeis gwoess ned no einisch.. ond jo: der doerfet lache ;-)
Au Kauai esch soesch eher en ruhigi Ensle. Zom echli d Ensle choenne z erkonde, hei mer es Auto gmietet. So hei mer au doert vell schoeni Idroeck gwonne: Vo tropische Waelder, oeber Wasserfaell, Straend ond en Canyon.
S Highlight esch de d Katamaran-Tour a de Napali Coast entlang gsii. Mer hei sogar Delfine gseh ond si em Meer go schnorchle. Fazit noch 1 Stond: 1 farbige ond es paar graui Fesche.
Woeu oeis s Schnorchle aber sehr guet gfalle hed, esch das secher ned s letschte Mol gsii.
BIG ISLAND
13. - 15.8.2010
Hmm, dae Abstaecher uf die groeschti Ensle esch de choerzischt gsii.
Uesi Onterkonft esch es ruhigs, gmuetlechs Hostel en Kilua-Kona gsii.
S Sehenswaerte vo dere Ensle send foer oeis de Vulkan ond die verschede farbige Straend gsii.
De 1-taegig Usflog ufene Vulkan esch raecht abentuerlech gsii. Nach 2 Stond wandere ufem Vulkan hei mer tatsaechlech dae Ponkt gfonde, wo die fluessendi Lava ufs Meer trefft.
Auso: Danke Philipp foer dini Waegbeschriibig. Mer woesse, dass die meischte Luet ned e dae Gnoss choeme, das Naturspektakel met eigene Auge choenne z erlaebe ;-)
Mer hei dae Momaent gnosse, aber ned allzu lang do oeisi Schuehsohle uf de no warme Lava doch en Metleideschaft zoge worde send (= Profil leicht geschmolzen).
..a propo: oeb das Ganze ongfaehrlech ond legal gsii esch, woesse mer bes hoet no ned...
Nach daem Erlaebnis send mer en Rechtig Mauna Kea wiiter. Doert esch en Staernwarte, wo me met oder ohni Teleskop de Staernehemmel cha beobachte. Dae Ableck cha me ned a vellne Plaetz uf dere Aerde so gniesse wie doert.
Hmm, dae Abstaecher uf die groeschti Ensle esch de choerzischt gsii.
Uesi Onterkonft esch es ruhigs, gmuetlechs Hostel en Kilua-Kona gsii.
S Sehenswaerte vo dere Ensle send foer oeis de Vulkan ond die verschede farbige Straend gsii.
De 1-taegig Usflog ufene Vulkan esch raecht abentuerlech gsii. Nach 2 Stond wandere ufem Vulkan hei mer tatsaechlech dae Ponkt gfonde, wo die fluessendi Lava ufs Meer trefft.
Auso: Danke Philipp foer dini Waegbeschriibig. Mer woesse, dass die meischte Luet ned e dae Gnoss choeme, das Naturspektakel met eigene Auge choenne z erlaebe ;-)
Mer hei dae Momaent gnosse, aber ned allzu lang do oeisi Schuehsohle uf de no warme Lava doch en Metleideschaft zoge worde send (= Profil leicht geschmolzen).
..a propo: oeb das Ganze ongfaehrlech ond legal gsii esch, woesse mer bes hoet no ned...
Nach daem Erlaebnis send mer en Rechtig Mauna Kea wiiter. Doert esch en Staernwarte, wo me met oder ohni Teleskop de Staernehemmel cha beobachte. Dae Ableck cha me ned a vellne Plaetz uf dere Aerde so gniesse wie doert.
OAHU - Honolulu, Part 1
10. - 13.8.2010
Aloha!
Met dene Wort send mer scho am Floghafe en Oahu haerzlech begruesst worde.
D' Art ond d'Laebenswiis uf dere Ensle ond em Polynesian Hostel send oeis grad as Haerz gwachse. Es esch wie me sech Hawaii vorstellt: Easy Lifestyle, Sonne & Strand.
Mer hei super Luet kenneglehrt, de Waikiki Beach erkondet ond met em Bsuech vo Pearl Harbour au oepis Kulturells erlaebt.
...a propo Pearl Harbour: Dae ganzi Usflog hed 6 Stond duuret ond eigentlech s Einzige wo mer debii gseh hei, esch e Bleck of das 'fucking piece of metal' em Wasser vomene versonkene Scheff(Zitat Lukasz).
Anyway: Mer hei Pearl Harbour gseh ond es esch en amuesante Usflog gsii.
Mer froeie oeis scho jetz uf Honolulu Part 2.
Aloha!
Met dene Wort send mer scho am Floghafe en Oahu haerzlech begruesst worde.
D' Art ond d'Laebenswiis uf dere Ensle ond em Polynesian Hostel send oeis grad as Haerz gwachse. Es esch wie me sech Hawaii vorstellt: Easy Lifestyle, Sonne & Strand.
Mer hei super Luet kenneglehrt, de Waikiki Beach erkondet ond met em Bsuech vo Pearl Harbour au oepis Kulturells erlaebt.
...a propo Pearl Harbour: Dae ganzi Usflog hed 6 Stond duuret ond eigentlech s Einzige wo mer debii gseh hei, esch e Bleck of das 'fucking piece of metal' em Wasser vomene versonkene Scheff(Zitat Lukasz).
Anyway: Mer hei Pearl Harbour gseh ond es esch en amuesante Usflog gsii.
Mer froeie oeis scho jetz uf Honolulu Part 2.
Sonntag, 8. August 2010
San Francisco
Am Donschtimorge am 6i esch oeisi Reis losgange.
Am Floghafe hei mer erfahre, dass mer zwar es 'Round-the-world-ticket' hei, aber trotzdaem niene Setzplaetz foer oeis reserviert send.
Do dae erschti Flog vo Zoeri uf NY au no oeberbuechet gsii esch, send oeisi Setzplaetz ede Staerne gstande ond mer send chorzom chli es schwetze cho.
Gloecklecherwiis haend mer de (dore Lutspraecher usgrueft) erfahre, dass mer doch met oeisere Reis choei starte.
Noch uesere erschte Nacht en San Francisco hei mer gmerkt, dass si oeis em Hostel komplett abzockt haend. Do mer onder dene Omstaend uf kei Fall laenger hei welle doert bliibe, hei mer 5 Stond lang em usbuechte San Francisco nochere andere Oebernachtigsmoeglechkeit gsuecht.
Wo mer de aendli en Onterkonft gfonde hei, haend mer em Hostel so lang es Theater ufdo & met em Raechtsschotz droht, bes mer oeises Gaeld (ond no chli meh :-) ) zrog becho hei.
Jetz gniesse mer San Francisco en volle Zoeg: Sightseeing, Kaefele, shoppe ..ond alles was dezue ghoert. Dae Zwoeschestop e dere tolle Stadt hed sech glohnt!
Next stop: Dienstag, 10.8.2010 Hawaii
Dienstag, 3. August 2010
So, glii gohts los e die grossi wiiti Wält!
Langsam (aber doch noni ganz) hämmer öisi 7 Sache zäme (ond de mixer & d stögelischueh bliibe definitiv dihei) ;-)
Gärn düemer es paar vo öisne Erläbnis ond Iidröck uf däm blog feschthalte ond fröie öis,
wenn der zwöschedore mol inelueget. So chöne mer öich nämli uf de reis emmer echli met debii ha.
Langsam (aber doch noni ganz) hämmer öisi 7 Sache zäme (ond de mixer & d stögelischueh bliibe definitiv dihei) ;-)
Gärn düemer es paar vo öisne Erläbnis ond Iidröck uf däm blog feschthalte ond fröie öis,
wenn der zwöschedore mol inelueget. So chöne mer öich nämli uf de reis emmer echli met debii ha.
Abonnieren
Posts (Atom)